Metro de Roma

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Metro de Roma

MA 300 arribando a la gara Conca d'Oro

Nombre local

Metropolitana di Roma

Debantadera

1955

Administración

ATAC

Lonchitut

60,0^[1] km

Tipo

Amplo normal

Numero linias

3

Numero garas

74

Pasachers
al diya
al anyo

762 000^[2]
278 130 000^[2]

O Metro de Roma (en italiano Metropolitana di Roma) ye o rete de ferrocarril de transporte publico existent en a ciudat de Roma (Italia). A primera linia d'o metro (linia B, de color azul) estió inaugurata en 1955, a segunda linia (linia A, de color roya) estió inaugurata en 1980 y a tercera linia (linia C, de color verde), en 2014. Tien 74 garas^[3], d'as cuals 59 son soterranias.

Dende l'1 de chinero de 2010 o rete ye chestionato, chunto con os transportes de superficie, por a empresa publica ATAC.

As linias

Linia A

Ta mas información, se veiga l'articlo prencipal sobre Linia A.

A linia A, de color narancha, estió a segunda linia construita en a ciudat. O primer trampo d'a linia, Ottaviano-Cinecittà, estió inagurato l'16 de febrero de 1980 por Luigi Petroselli, alcalde de Roma^[4]^[5]^[6].

O treballo de construcción d'a nueva linia estió pando y complexo, principalment por a tecnica d'excavación a cielo ubierto, con muitos problemas de viabilidat. As obras estioron aturatas mientres 5 anyos, dica que emplegó a tecnica de tuneladora que, anque resolvería os problemas de viabilidat y de trafico, tien problemas con os edificios d'a redolada^[7].

Os treballos estioron aturatos altros dos anyos por os problemas de trascruzar o río Tíber. Tamién altros problemas en a construcción d'a linia estioron as restas arqueolochicas d'a redolada d'a piazza della Repubblica y os errors en o prochecto d'inchenieria d'o puente Nenni^[7].

Poco dimpués d'a inauguración d'o primer trampo, ista linia estió prolargata enta lo sud con a nueva gara de Anagnina, que actualment ye o cabo de linia. Entre 1999 y 2000, a linia tornó a enamplar-se con o trachecto dende a gara de Ottaviano dica a gara de Battistini^[7].

A linia tien 27 garas, con una largaria de 18,425 km. y conta con connexión con a linia B en a gara de Termini.

Linia B

Ta mas información, se veiga l'articlo prencipal sobre Linia B.

A linia B, de color azul, cruza a ciudat de norte-este a sud. As suyas garas de cabo son Rebibbia (en o barrio an ye a garchola d'o mesmo nombre), Jonio (en Montesacro) y Laurentina (a l'este d'o districto d'EUR).

O primer trampo, Termini-Laurentina estió inaugurata o 9 de febrero de 1955 por Luigi Einaudi, allora presidente d'a Republica Italiana^[8].

Os treballos prencipiaron en os anyos trenta mientres o gubierno fascista con a unión d'a gara de Termini, en o centro d'a ciudat, con o nuevo districto E42 (hue EUR), an yera programata l'Exposición Universal de 1942. L'exposición estió cancelata por la guerra y os tunels estioron emplegatos como refuchio antiaerio. As obras retornaron en 1948 dica 1955, anyo en que estió inaugurato o dicho trampo d'a linia^[8].

En 1990, de Termini, a linia estió prolargata dica l'actual cabo de linia en a gara de Rebibbia, en o canto nord-este d'a ciudat; y estió ubierta una nueva gara, Marconi, en o primer trampo. Mas tardi, nuevas garas estieron ubiertas, como Ponte Mammolo (hue, un nyugo de transportes con a connexión con o transporte metropolitano d'o Lazio) y Quintiliani.

Dende l'anyo 2000 s'han realizau enamplacions d'a linia con o emplego d'as nuevas tecnicas constructivas como a tuneladora. Hue existe un ramal en o canto norte-oriental d'a ciudat (da servicio d'os municipios II, III y IV) y cuyo nombre ye linia B1, a cual estió inaugurata en dos fases: un primer trampo, o 13 de chunio de 2012, dende la gara de Bologna dica la gara de Conca d'Oro; y un segundo trampo, o 21 d'abril de 2015 dende Bologna dica Jonio.

A linia B tien 26 garas, con una largaria de 23,5 km. y conta con connexión con a linia A en a gara de Termini.

Linea C

A linia C, de color verde, conecta o estrimera este de Roma (con cabo de linia en o municipio de Monte Compatri) con a terminal de Lodi, en o districto de San Giovanni. Tien una largaria de 18,1 km. y conta con 21 garas. Os vehículos, d'a serie Metro Automatico AnsaldoBreda, no tien maquinista y ye totalment automatizatos^[9].

A construcción d'a linia metropolitana empecipió en o mes d'agosto de 2006, con a prospección de puestos arqueolochicos, mientres en abril de 2007 estió ubierto o primer yacimiento en el districto Prenestino-Labicano^[10]. O prochecto inicial quereba ubrir o primer trampo dica la gara de San Giovanni en 2011 y a linia completa en 2015, pero hue dita apertura ye posposta^[11]. Iste prochecto alufra a construcción de 30 garas con una largaria completa de 25,6 km.

O 9 de noviembre de 2014 estió inaugurata o primer trampo dende Pantano dica Parco di Centocelle, con una largaria de 12,7 km. y 15 garas^[12]. O 1 de mayo de 2015 prencipió a marcha en blanco d'o segundo trampo dende Mirti dica Lodi, y estió ubierta t'a chent o 29 de chunio de 2015.

Rete

Actualment o rete ye composato de tres linias:

Linia	Trachecto	Inauguración	Zaguer enampladura	Lonchitut en km	Numero de garas	Numero de viachers (en millons)	Tiempo de viache
	Battistini ↔ Anagnina	1980	2000	18,4	27	19,4	41 min
	Laurentina ↔ Rebibbia / Jonio	1955	2015	22,9	26	19,1	32/34 min
	Monte Compatri-Pantano ↔ Lodi	2014	2018	18,1	22	8,2	35 min
Total:				59,4	73	46,8	-

Servicio

Titol de viache

L'ATAC tien como titol de viache basico o BIT (Biglietto Integrato a Tempo, en aragonés: Billet Integrato por Tiempo) con una duración de 100 menutos. Altros billez son: Roma 24h/48h/72h, o Notturno Roma y o CIS (Carta Integrata Settimanale, en aragonés: Tarcheta Integrata Semanal). Tamién existen 3 tipos de abonos recargables con as tarchetas electronicas èRoma e Metrebus Card Red: El mensual, personal o impersonal, y l'anual.

O billet ye valiu en toz os meyos de transporte d'ATAC (linias metropolitanas, autobús, tramvía y as 3 linias de ferrocarril suburbano) y os trachectos urbans de ferrocarril rechional (FL).

Horario

As linias A y B ye ubiertas de domingo a chueves de 5:30 dica 23:30; viernes y sabados de 5:30 dica 1:30. A linia C ye ubierta toz os diyas de 5:30 dica 23:30^[13].

Mientres en a nuei o trachecto d'o metro ye complementato por as linias de bus nocturno N1 (linia A), N2/N2L/N2P (linia B) y N28^[14] (linia C).

Cobertura GSM/UMTS

En l'anyo 2011 arribó a o metro a cobertura GSM-UMTS/HSPA^[15]. O 9 de chinero de 2014 a cobertura ye completa en a linia A y en a linia B dica a gara de Laurentina-Rebibbia, mancando nomás o trampo Bologna-Jonio (B1) y a trampo soterranio d'a linia C^[16]^[17].

Transporte de bicicletas

As bicicletas plegables pueden circular librement en o rete de metro, mientres altros tien limitacions de horario y diya d'a semana^[18].

O 24 d'octubre de 2013 estió presentato un prochecto^[19] cual obchetivo ye a creyación de puestos d'intercambio en as garas de metro^[20].

Cronolochía important

Calendata	Gara	Linia
10 febrero 1955	Termini-EUR Fermi
16 febrero 1980	Ottaviano-Cinecittà
11 chunio 1980	Cinecittà-Anagnina
12 marzo 1990	Marconi
8 aviento 1990	Termini-Rebibbia
8 aviento 1990	Garbatella
8 aviento 1990	Laurentina
13 aviento 1995	Ponte Mammolo
29 mayo 1999	Ottaviano-Valle Aurelia
1º chinero 2000	Valle Aurelia-Battistini
23 chunio 2003	Quintiliani
12 chunio 2012	Bologna-Conca d’Oro
9 noviembre 2014	Monte Compatri-Pantano-Parco di Centocelle
21 abril 2015	Conca d’Oro-Jonio
29 chunio 2015	Parco di Centocelle-Lodi
12 mayo 2018	Lodi-San Giovanni

Referencias

Veyer tamién

Vinclos externos

Se veigan as imáchens de Commons sobre o metro de Roma.
(it) Plano d'os transportes de Roma (Metro, Tramvía y Tren) (PDF)
(en) Urbanrail de Roma

Datos: Q237480
Multimedia: Rome metro / Q237480

[1] (it) ATAC - I numeri della mobilità 30/06/2009

[guidadiroma.net-2] 2,0 ^2,1 (it) Trasporti pubblici urbani: Metropolitana e bus a Roma

[3] (it) ATAC - I numeri della mobilità 30/06/2009

[4] (it) Trent'anni al via il metrò che avvicinò centro e periferia

[5] (it) L'inaugurazione con Petroselli che offrì il caffè

[6] (it) Trent'anni senza Petroselli. Il sindaco di tutti

[Linea_A-7] 7,0 ^7,1 ^7,2 (it) Linea A

[Linea_B-8] 8,0 ^8,1 (it) Linea B

[9] (it) Roma Metropolitana - linea C

[10] (it) Linea C - La storia del progetto

[11] (it) Apertura Linea C già 2 anni di ritardo

[12] (it) Apre la Metro C a Roma, partenza con guasto: il primo treno si ferma 11 minuti

[13] (it) Metro C: 24-25-26 aprile chiusa per lavori - Da lunedì 27 aprile ultime corse alle 23.30

[14] (it) DA LUNEDI' 29 GIUGNO DALLE ORE 15 APERTO AI VIAGGIATORI IL PROLUNGAMENTO PARCO DI CENTOCELLE - LODI CON 6 NUOVE STAZIONI; NUOVA RETE DI SUPERFICIE A ROMA EST

[15] (it) Alessandro Longo, Telefonate e sms in metro: si comincia in tre stazioni, la Repubblica, 16 de setiembre de 2011

[16] (it) COMUNE DI ROMA, da oggi (9 gennaio 2014) copertura Gsm e Umts/Hspa sull'intera rete della metro B

[17] (it) Telefonate In metro. C'è linea anche sulla B

[18] (it) Metro C: Via libera alle bici

[19] (it) Campidoglio, pronto il pacchetto bici-friendly: sgravi per i condomìni, più spazi in metro

[20] (it) Piano biciclette in Campidoglio: in metro, nei cortili, sulle ciclabili.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]